Сипаттама

         Ұсынылып отырған типтік оқыту бағдарламасы ЖОО-дағы қазақ тілінің қолданыс аясын барынша кеңейтіп, мемлекеттік тіл ретінде өмірлік қажеттілікке айналдыру мақсатында білім беру жүйесінде жасалып жатқан реформаларды басшылыққа алып, бүгінгі күннің талаптарына толық жауап беруді нысан етіп отыр.

Осы тұрғыдан алғанда, ең басты мақсат – тұрмыстық, әлеуметтік тақырыптардағы мәтіндер негізінде тіл үйренушілердің сөйлеу біліктілігін жетілдіру, лексикалық қорын, грамматикалық білік-дағдыларын қалыптастыру, қазақ тілі грамматикасы туралы білімін дамыту.

Курстың негізгі мақсаты - білім алушылардың қазақ тілін оқыту процесінде мәдениетаралық және коммуникативті құзіреттілігін жеткілікті А2 базалық деңгейде өтуді қамтамасыз етеді.

Жеңiлден күрделiге қарай өту принциптерiн жүзеге асыра отырып, білім алушыларды болашақ мамандықтарына бағыттап оқыту. Білім алушыларды күнделiктi қарым-қатынас түрлерiне еркiн араласып, өз мамандығы бойынша сұхбаттар жүргiзе алуға үйрету. Оқу материалын таңдау, оны үйрету мерзімі, оқыту мазмұнының икемділігі, өз бетімен үйрену үшін еркіндік, өз бетімен әрекет жасау мүмкіндігін арттыру, бірін-бірі тексеру, бақылау, шығармашылық іс-әрекет, ақылдасу, кеңесу әрекеттері. Қазақ тілін оқыту– тілді үйрену деңгейлеріне сай жүргізіледі.